សូម​ស្វាគមន៍​ ឯកឧត្តម លោក លោកស្រី​ ចូលមកកាន់គេហទំព័រ «កម្ពុជាស្ថាបនា ធវី | KSN TV Online»​ ទាក់ទងព័ត៌មាន តាមទូរស័ព្ទលេខ 088 64 85 007 !
0

បទបញ្ជារ​០១​ប្រមុខ​រដ្ឋាភិបាល​បង្ក្រាបបទល្មើសព្រៃឈើមាន​ប្រសិទ្ធភាព ឬ ម​ិនមានប្រសិទ្ធភាព មកលើ​មន្ត្រីក្រោមឱវាទ ?​ ខណៈ ​លោក​ឧកញ៉ា គង់ ក្រឹ​ង ជួញ​ឈើ​ខុសច្បាប់​ឆ្លងដែន ទៅ​វៀតណាម​តាម​ច្រក​របៀង​ដេ​៣​ដេ​៤​បាន​យ៉ាង​រលូនជារៀងរាល់ថ្ងៃ​?

ខេត្ត​ក្រចេះ​៖​ប្រជាពលរដ្ឋ​រស់នៅ​ស្រុក​ស្នួល​ខេត្ត​ក្រចេះ​បានឲ្យដឹងថា ក្រុម​ឈ្មួញ​នៅតែ​បន្ត​ដឹកជញ្ជូន​ឈើប្រណិត​យកទៅលក់​នៅ​ព្រំដែន​វៀតណាម​ជា​រៀងរាល់ថ្ងៃ​បាន​យ៉ាង​រលូន​។ បើ​ទោះ​ជា​ប្រមុខ​រដ្ឋាភិបាល​បញ្ជារ​ឲ្យ​មន្ត្រី​ថ្នាក់ក្រោម​ធ្វើ​ការទប់ស្កាត់​និង​បង្ក្រាប បទល្មើស​ព្រៃឈើ​ឲ្យមាន​ប្រសិទ្ធភាព តាម​បណ្តា​ខេត្ត​ដែល​មាន​បទល្មើស​ព្រៃឈើ​យ៉ាងណាក៏ដោយ​ក៏​បទល្មើស​ព្រៃឈើ​នៅ​តែ​កើតមាន​ជា​រាងរាល់ថ្ងៃ ។​

​យោងតាម​ប្រភព​ពី​ប្រជាពលរដ្ឋ​រស់នៅ​ស្រុក​ស្នួល​ខេត្ត​ក្រចេះ​បានឲ្យដឹងថា​ក្រោម​ការគ្រប់គ្រង​ដោយលោក វ៉ា ថន ចៅហ្វាយខេត្ត​និង​លោក លន់ សុផាត ដែលជា​ស្នងការ​នគរបាល​ខេត្ត​។​បទល្មើស  ការដឹកជញ្ជូន​ឈើ​ខុសច្បាប់​ឆ្លងដែន​ទៅ​ប្រទេស​វៀតណាម​នៅតែ​បន្ត​កើតមាន​ជា​ប្រចាំ តាម​ច្រករបៀង​ដេ​៣​និង​ដេ​៤ ដែល​ជា​កម្មសិទ្ទិឯ​កជនផ្តាច់​មុខ​របស់ ឧកញ៉ា គង់ ក្រឹ​ង ដ៏​ល្បីឈ្មោះ​ប្រចាំ​ស្រុក​ស្នួល​ខេត្ត​ក្រចេះ​និង​ពូកែ​ខាង​សម្តែង​តួ​ជា​សប្បុរសជន តាមរយៈ​លុយកាក់​ដែល​ប្រមូលបាន​ពី​របរ​ទុច្ចរឹត​កាប់បំផ្លា​ញ​ព្រៃឈើ​។​

​តាម​សេចក្តីរាយការណ៍​ពី​ក្រុម​អ្នក​ឃ្លាំ​មើល​បទល្មើស​ព្រៃឈើ​បានឲ្យដឹងថា បន្ទាប់ពី​ទទួលបាន​គោ​រម្យ​ងារ​ជា​ឧកញ៉ា ជំនួញ​ឈើ​ខុសច្បាប់​ឆ្លងដែន​ទៅ​ប្រទេស​វៀតណាម​របស់​ឧកញ៉ា គង់ ក្រឹ​ង កាន់តែ​រីក​ធំធាត់​ជា​លំដាប់ និង​កាន់តែ​មាន អំណាច រហូត​ហ៊ាន​ឈូ​យ​ឆាយ​ដី​ព្រៃ​របស់​រដ្ឋ ចាក់​ដី​ក្រហម​ធ្វើ​ផ្លូវ​កម្មសិទ្ធិ​ឯកជន​ចំនួន​ពីរ​ខ្សែ សម្រាប់ឲ្យ​រថយន្ត​ប្រភេទ​យី​ឌុប និង​ប្រភេទ​វេ​អង​អាចដឹកឈើ​ពី​៥៥​ទៅ​៦០​ម៉ែត្រគូប​ឆ្លងដែន​ទៅ​ប្រទេស​វៀតណាម  ។​តែ​រយៈពេល​ថ្មីៗ​នេះ លោក ឧកញ៉ា​រូបនេះ​បាន បញ្ជា​ឲ្យ​ដឹក​តាម​រទេះគោ និងរ​មក​ម៉ូតូ ចេញ​តាម​ច្រក​នោះ ដោយ​រលូន គ្មាន​សមត្ថកិច្ច​ណា​ហ៊ាន​បង្ក្រាប​ឡើយ ។​

​សេចក្តីរាយការណ៍​បន្ត​ថា​ក្នុង​មួយ​យប់ៗ​ឈើ​គ្រប់​ប្រភេទ​ដូចជា​ឈើ​ប្រណីត​ប្រភេទ​ឈើ​ធ្នង់ ស្រឡៅ សុ​ក្រំ ក​កោះ និង​ឈើ​ឈ្លីក​រាប់រយ​ម៉ែត្រគូប ត្រូវបាន​គេ​ដឹកជញ្ជូន​ឆ្លងដែន​យកទៅលក់​នៅ​ប្រទេស​វៀតណាម តាម​ច្រករបៀង​ដេ​៣​និង​ដេ​៤ ដោយ​មាន​កម្លាំង​ប្រដាប់អាវុធ​ក្រោម​ឱ​វ៉ាទ​លោក​ឧកញ៉ា គង់ ក្រឹ​ង ចាំ​កាង​ការពារ​សុវត្ថិភាព​ឲ្យ​ទៀតផង​។​

​ឈើ​ទាំង​នេះ​ត្រូវបាន​ក្រុម​ឈ្មួញ​ដឹក​តាម​រថយន្ត​សាំ​យ៉ុង ឡាន​កែឆ្នៃ​និង​មួយចំនួនទៀត ដឹក​តាម​ម៉ូតូ​រាប់រយ​គ្រឿង​មក​លក់​ឲ្យ​ឈ្មួញ​ជនជាតិ​យួន​ក្រោយ​បន្ទាយ​យោធា​វរៈ​សេនា​តូច​លេខ​២០៤ រួច​ដឹក​ចេញ​ទៅ​វៀតណាម​ដោយ​ប្រេី​កេរ្តិ៍ឈ្មោះ​ឧកញ៉ា គង់ ក្រឹ​ង ចាំ​កាង​ការពារ​ជា​ចំហ និង​ចាំ​ដក​តុង​យក​លុយ​បង់​ឲ្យ​សមត្ថកិច្ច​គ្រប់​ជំនាញ និង​អ្នកមាន​អំណាច​រហូតដល់​ថ្នាក់​ជាតិ​ទៀត​ផង​។​

​ប្រភព​ពី​អ្នករកស៊ី​ឈើ​បាន​លួចខ្សិ​បប្រាប់ឲ្យដឹង​ថា​ចំពោះ​ឈើ​ធ្នង់​ត្រូវ​បង់​ប្រាក់​ចំនួន​១៥០០​រៀល​ក្នុង​មួយ​គីឡូក្រាម​ឲ្យទៅ ឧកញ៉ា គង់ ក្រឹ​ង រួច​ដឹក​តាមរឺ​ម៉ក​ម៉ូតូ និង​រទេះគោ ឯ​ឈើ​ប្រភេទ​ផ្សេង​ទៀត​ត្រូវ​បង់​១០០​ទៅ​៣០០​ដុល្លា ទេីប​អាចដឹកឈើ​ឆ្លង​ដែនតាម​ច្រករបៀង​ដេ​៣​និង​ដេ​៤​បាន​។​តាម​តួលេខ​នេះ​បញ្ជាក់ថា​ឧកញ៉ា គង់ ក្រឹ​ង នឹង​ទទួលបាន​ចំណូល​រាប់​ម៊ឺន​ដុល្លារ​កុ្នង​មួយថ្ងៃៗ ពី​ក្រុម​ឈ្មួញ​រកស៊ី​ឈើ​ខុសច្បាប់ ដោយ​មិន​ទាន់​គិត​បញ្ចូល​ប្រាក់ចំណេញ​ពី​ឈើ​ខុសច្បាប់ ដែល​ឧកញ៉ា​រូប​នេះ​ប្រមូល​ទិញ​ខ្លួនឯង​ទៀតផង​។​

​មតិ​មហាជន​រិះគន់ថា ដោយសារ​អំណាច​លុយ ដែល​ទទួលបាន​ពី​ជំនួញ​ឈើ​ខុស​ច្បាប់​យ៉ាង​មហាសាល​នេះ និង​ដោយ​មាន​បុគ្គល​មានអំណាច​នៅ​ក្រសួង​ការពារជាតិ​ជា​ខ្នងបង្អែក​យ៉ាង​រឹងមាំ​ផង​នោះ ឧកញ៉ា គង់ ក្រឹ​ង ក៏​មាន​ចៅហ្វាយខេត្ត​និង​ស្នងការ​នៅ​ពីក្រោយ​ផង ដែរ​ហើយ​ត្រូវបាន​គេ​រៀ​ចំ​ឲ្យ​មាន​ការជួប​ផ្ទាល់​ជាមួយ​ត្រកូល​ថ្នាក់ដឹកនាំ​កំពូល​របស់​ជាតិ ដូច​ជា​ឧត្តមសេនីយ៍ ហ៊ុន ម៉ានិត ឧត្តមសេនីយ៍ ហ៊ុន ម៉ា​ណែ​ត និង​ចុងក្រោយ​ជួប​ផ្ទាល់​ជាមួយ​សម្តេច ហ៊ុន សែន ។​

​សកម្មភាព​ជំនួញ​ឈើ​ខុសច្បាប់​ឆ្លងដែន​ទៅ​លក់​នៅ​ប្រទេស​វៀតណាម​របស់​ឧកញ៉ា គង់ ក្រឹ​ង កាន់តែ​រឹងមាំ​និង​កាន់តែ​រីកធំឡើងៗ ជាពិសេស​សមត្ថកិច្ច​ពាក់ព័ន្ធ​កា​ន់តែ​ខ្លាច​អំណាច​មេ​ឈ្មួញ​រូបនេះ ដោយ​សម្ងំសុខ ចាំ​ទទួល​តែ​លុយ​សំណូក​ជា​ថ្នូរ​នឹង​ការ​មិន​អនុវត្ត​ច្បាប់​ទប់ស្កាត់​និង​បង្ក្រាប​ឡើយ​។​ចំពោះ​សកម្មភាព​ផ្គើន​នឹង​បទបញ្ជា​លេខ​០១​របស់​រដ្ឋាភិបាល ពី​សំណាក់​ឧកញ៉ា​ចូលចិត្ត​សម្តែង​តួ​ជា​សប្បុរស​ជន​រូប​នេះ គេ​មិន​ទាន់​ដឹងថា ត្រកូល​ថ្នាក់​ដឹក នាំ​ជាតិ​បានដឹង​ពី​របរ​ទុច្ចរឹត​បំផ្លាញ​ព្រៃឈើ​ខ្មែរ ដែល​ឧកញ៉ា​គង់ ក្រឹ​ង កំពុង​ធ្វើ​សកម្មភាព​ក​ក្រេីក​ខេត្តក្រចេះ​នេះដែរ​ឫុ​ទេ​?​។​

​ទាក់ទង​នឹង​ការរិះគន់ ច្រករបៀង​ដេ​៣​និង​ដេ​៤ ដែល​ជា​កម្មសិទ្ទិឯ​កជនផ្តាច់​មុខ​របស់ ឧកញ៉ា គង់ ក្រឹ​ង ដ៏​ល្បីឈ្មោះ​ប្រចាំ​ស្រុក​ស្នួល​ខេត្ត​ក្រចេះ​នេះ​ផង​ដែរ​។ អង្គភាព​យើង​មិនអាច​សុំ​ការបកស្រាយ​ពី​លោក លន់ សុផាត ស្នងការ និង​លោក វ៉ា ថន ចៅហ្វាយខេត្ត​ក្រចេះ​បាន​នោះទេ​?​។​

​ដោយឡែក លោក​ឧកញ៉ា​គង់​ក្រឹងតេ​មិន​ចូលទោះ​ព្យាម​ជាច្រើនលើក​យ៉ាងណាកី​មិន​ចូល​ដែរ នៅ​ថ្ងៃ​ចេញ​ផ្សាយ​នេះ​។ អង្គភាព​យើង​និង​ស្វែងរក​ការបំភ្លឺ​ពី​អាជ្ញាធរ​ពាក់ពាន់​និង​លោក​ឧកញ៉ា​គង់​ក្រឹង មក​ផ្សាយ​នៅ​លេខ​ក្រោយ​បន្តទៀត​៕

 

m190111a1 m190111a2 m190111a3 m190111a4 m190111a5 m190111a6 m190111a7 m190111a8 m190111a9

Filed in: ព័ត៌មានជាតិ, ព័ត៌មាន​សំខាន់ៗ, ស្រាវជ្រាវ​តាមដាន​សង្គម

Recent Posts

Proudly designed by Theme Junkie.