សូម​ស្វាគមន៍​ ឯកឧត្តម លោក លោកស្រី​ ចូលមកកាន់គេហទំព័រ «កម្ពុជាស្ថាបនា ធវី | KSN TV Online»​ ទាក់ទងព័ត៌មាន តាមទូរស័ព្ទលេខ 088 64 85 007 !
0

បែកធ្លាយ​លោក ម៉ី សុខុម អធិការ​ស្រុក​ជុំ​គី​រី​បើក​ល្បែងស៊ីសង​ខុសច្បាប់​បំពាន​គោលនយោបាយ​ភូមិ​ឃុំ​មាន​សុ​វត្ថ​ភាព​

ខេត្ត​កំពត​៖ ម្ចាស់​សង្វៀន​ជល់​មាន់​និង​យូគី ចាស់វស្សា​ពីរ​នាក់ គឺ ឈ្មោះ មឿន និង ឈ្មោះ ហៃ ដែល​កំពុង​ល្បីល្បាញ​ពេញ​ខេត្ត​កំពត បាន​អះអាង​ប្រាប់ថា លោក​បើក​បន ល្បែងស៊ីសង​ខុសច្បាប់​មួយ​នេះ​បាន ដោយសារតែ លោក ម៉ី សុខុម អធិការ​ស្រុក​ជុំ​គី​រី អនុញ្ញាត​អោយ​ពួកគាត់​បើក​អោយ​លេង ដើម្បី​យក​លុយ​តុង​ទៅ​ច​ញ្ចឹម​អង្គភាព​របស់​គាត់ និង ថ្នាក់លើ​។​

​មេ​បន​ល្បែង​ទាំង​២​នាក់​ខាងលើ អះអាង​ប្រាប់​អ្នកការ​សែត​បែបនេះ ខណៈ​ក្រុម​អ្នក កាសែត បាន​ចុះ​ទៅ​យក​ព័ត៌មាន ដល់​ទីតាំង​សង្វៀន​ជល់​មាន់ និង​យូគី របស់​ពួក គេ​ដែល​កំពុង​ធ្វើ​សកម្មភាព​ជល់​មាន់​និង​លេងល្បែង​យូគី​យ៉ាង​គគ្រឹកគគ្រេង នៅ​ភូមិ ថ្មី ឃុំ​ជម្ពូ​វន័ ស្រុក​ជុំ​គី​រី ខេត្ត​កំពត ដែល​គេ​ដឹង​ថា​បន​ល្បែង​មួយ បាន​នេះ​បើក​លេង​ជា​យូរ​ឆ្នាំ​មកហើយ តែ​មិន​ត្រូវបាន​សមត្ថកិច្ច​ដែនដី​ចុះបង្ក្រាប​ម្តងណា​ឡើយ​។​

​មេ​បន​ល្បែង​បញ្ជាក់​បន្ថែម​ទៀត​ថា លោក​គ្មាន​សិទ្ធិ​អ្វី​ហ៊ាន​បើក​លេង​ល្បែង ដែល​មាន​ភ្ញៀវ​ចូលរួម​ច្រើន​យ៉ាង​នេះ​នោះ​ទេ បើ​គ្មាន​បញ្ជា​ពី​លោក​អធិការ ដោយ​ថា លោក​អធិការ​ស្រុក​ជុំ​គី​រី បាន​យក​លុយ​ពួក​គាត់​ក្នុង​មួយអាទិត្យ ១​លាន​រៀល ដោយ​អះ​អា​ថា​យក​ទៅ​អោយ​ថ្នាក់លើ រួម​ទាំង​សមត្ថកិច្ច​ផ្សេងៗ ជាពិសេស​អ្នកធំៗ​ក្នុង​ខេត្ត កំពត​តែ​ម្តង​។​

​មេ​បន​ល្បែង​ខា​លើ បានអោយ​ដឹង​បន្ថែម ទៀតថា បន​ល្បែង​នេះ​ជា​របស់ លោក​អធិការ ម៉ី សុខ​ម ផ្ទាល់​តែម្តង ហើយ​លោក​គ្រាន់តែ​ជា​អ្នកមើលការខុសត្រូវ​អោយ​គាត់​តែ​ប៉ុណ្ណោះ​។ ម្យ៉ាងទៀត បើ​អស់លោក​អ្នកកាសែត​ណា ចង់​បាន​ព័ត៍មាន​លម្អិ​ត ឬ​ក៍​ចង់បាន​លុយ​ប្រចាំថ្ងៃ​លុយ​ខែ សូម​ទាក់ទង​ទៅ​លោក​អធិការ ម៉ី សុខុម ដោយ​ផ្ទាល់​ទៅ លោក​មិន​កំណាញ់​ទេ ត្រឹម​តែ​លុយ​បាយ​លុយ​សាំង​ម៉ូតូ​ឡាន​នោះ​។​

​រាជរដ្ឋាភិបាល ក៏​ដូច​ជា​បទបញ្ជា​រប​ស់ស​ម្ត្តេ​ច​ក្រឡាហោម​ស ខេង​ផងដែរ ។​គាត់​ឆ្ងល់​ទៀត​ថា​តើ​ប្រកាស​រដ្ឋាភិបាល ទាំង​ប្រាំបួន​ចំនុច (​ភូមិ​ឃុំ​មាន​សុ​វត្តិភាព​)​ទុក​នៅ​ឯណា​? ឫ​មួយ​លោក ម៉ៅ ច័ន្ទ​មធុ​រិទ្ធ មាន អំណាច​តិចជាង​អំណាច​ប្រាក់​របស់​ម្ចាស់​សង្វៀន​ជល់​មាន់​ខាងលើនេះ ទើប​មិន​បញ្ជា​អោយ​ធ្វើ​ការបង្ក្រាប​បែប​នេះ​។​

​ជុំវិញ​ករណី​មេ​ល្បែង​អះអាង​ប្រាប់​អ្នកកាសែត ដោយ​មិន​ខ្វល់​អំពី​កិត្តិយស​របស់ លោក​អធិការនគរបាល​ស្រុក​ជុំ​គី​រី អង្គភាព​សារព័ត៌មាន​យើង​មិន​អាច​ស្វែងរក​ការបំភ្លឺ​ពី លោក ម៉ី សុខុម អធិការ​ស្រុក​ខាងលើ​បាន​នៅឡើយ​ទេ ៕

m181115c1 m181115c2 m181115c3 m181115c4

Filed in: ព័ត៌មានជាតិ, ព័ត៌មាន​សំខាន់ៗ, ស្រាវជ្រាវ​តាមដាន​សង្គម

Recent Posts

Proudly designed by Theme Junkie.