សូម​ស្វាគមន៍​ ឯកឧត្តម លោក លោកស្រី​ ចូលមកកាន់គេហទំព័រ «កម្ពុជាស្ថាបនា ធវី | KSN TV Online»​ ទាក់ទងព័ត៌មាន តាមទូរស័ព្ទលេខ 088 64 85 007 !
0

ការ​ប្រដាល់​ប្រចាំ​សតវត្សរ៍ Floyd ឈ្នះ​Pacquiao ដោយ​ពិន្ទុ​

ការប្រកួត​រវាង​កីឡាករ​ទាំងពីរ​ជាការ​ប្រដាល់​ប្រចាំ​សតវត្សរ៍​មួយ ក្រោយពី​មាន​ការ​ផ្គូរ​ផ្គង​អស់​រយៈពេល​ជាង​៥​ឆ្នាំ​។ ការប្រកួត​នេះ​ធ្វើឡើង​នៅ​Las Vagas សហរដ្ឋអាមេរិក​។​

​ខ្សែក្រវ៉ាត់​ចំនួន​បី​ត្រូវ​បាន​ដាក់​សម្រាប់​ការ​ប្រដាល់​នេះ ដែល​ខ្សែក្រវ៉ាត់​ចំនួន​ពីរ​មក​ពី​Floyd គឺ​WBA, WBC និង WBO welterweight​មកពី​Pacquiao​។​

​ក្រោយ​ពី​ការប្រកួត​១២​ទឹក អាជ្ញាកណ្តាល​បាន​ប្រកាសថា​ពិន្ទុ​របស់​កីឡាករ​ទាំងពីរ គឺ​១១៨-១១០, ១១៦-១១២ និង​១១៦-១១២ ដែល​បាន​ទៅ​កីឡាករ​Floyd​។ Manny Pacquiao បាន​សម្រុក​វាយ​នៅលើ​សង្វៀន តែ​Floyd​ព្យាយាម​គេច និង​រក​កន្លែង​វាយបក​។ ការប្រកួត​នេះ Floyd​បាន​បម្លាស់​ទី​ច្រើន​នៅលើ​សង្វៀន ដើម្បី​គេច​ពី​ការ​វាយ​របស់​កីឡាករ​Manny​។​

​នៅ​ទីបំផុត កីឡាករ​អាមេរិក​Floyd Mayweather នៅ​ថ្ងៃ​អាទិត្យ​ទី ៣ ខែ​ឪ​សភា ឆ្នាំ ២០១៥ នេះ បាន​ផ្តួល​កីឡាករ​ហ្វីលីពីន​Manny Pacquiao ដោយ​ឈ្នះ​ពិន្ទុ​ដោយ​ឯកច្ឆ័ន ដែល​ធ្វើឲ្យ​លោក​នៅតែ​អាច​រក្សា​កំណត់ត្រា​មិន​ដែល​ចាញ់​ដដែល​។​

​ក្រោយ​ពី​ការប្រកួត កីឡាករ​Manny Pacquiao​បាន​និយាយថា​លោក​គិត​លោក​ឈ្នះ​ការប្រកួត​នេះ ដោយសារ​Floyd​មិន​បាន​វាយ​អ្វី​ច្រើន​នោះទេ​។​

​ចំណែក​កីឡាករ Floyd វិញ​ប្រកួត​បាន​៤៧​ដង ឈ្នះ​ទាំងអស់ ហើយ​បាន​ផ្ដួល​គូប្រកួត​ឲ្យ​សន្លប់​បាន​២៦​ដង​។ ប្រកួត​លើកចុងក្រោយ កីឡាករ Floyd​បាន​ផ្ដួល​កីឡាករ​សញ្ជាតិ​អា​ហ្សង់​ទីន​Marcos Maidana​។ ចំណែក​Many Pacquiao អាយុ​៣៦​ឆ្នាំ និង​កីឡាករ Floyd Mayweather អាយុ​៣៨​ឆ្នាំ ត្រូវបាន​គេ​ចាត់ទុកថា ជា​កីឡាករ​ខ្លាំង​បំផុត​សម្រាប់​សម័យកាល​របស់​ពួកគេ​។ កីឡាករ​Pacquiao ធ្លាប់​ប្រកួត​ឈ្នះ​៥៧​ដង ចាញ់​៥​ដង និង​ស្មើ​២​ដង ហើយ​ប្រកួត​លើកចុងក្រោយ​ឈ្នះ កីឡាករ​Algerie ៕

many_paqiao

Filed in: កីឡា

Recent Posts

Proudly designed by Theme Junkie.